zo 12 feb. Carnaval / €18,42 / 15:00 - 20:00

Cantus Jocus

kaarten

Ein gans niej evenement op de zondaagmiddaag, 1 waek veur vastelaovend.

Op zondaag 12 fibberwari aanstaonde vindt de iërste Cantus Jocus plaats. Ein gans niej evenement det garant steit veur zang en plezeer en ein glaeske beer. Live ondersteund door Jocus’ Hôfkepèl. De Cantus is eine zangwedstriéd wao-in groepe kinne striéje um de hoëgste iër. ‘t Decor is Domani en Cantus Jocus zal plaatsvinde vanaaf 15:11 oor. Entree is €18,42, maar elf kaarte veur de priés van tién!

De 250 beschikbare plaatse kinne door groepe of individuele vastelaovesviérders gekoch waere. Cantus Jocus is te vergeliéke met ‘nne beercantus zoëwie die in vuul studentestaej te vinde zien. Middels ein loëterie zuk iddere groep ein ech Venloos vastelaovesleedje oét det dan metein hardoét meigezonge meug waere. De enthousiaste Cantore prissentere en jurere en zoëdoonde zien d’r punte te verdeende. Geldend is ein 11-punte-regelement. Alvas ein van de regels: idderein haet las van cenosillicafobie; ings veur ein laeg glaas beer.

‘Bekinde’ Limburgse artieste zulle eur opwachting make, ‘nne vastelaoves-DJ luustert de middaag op en ein of twië dröpkes staon klaor veur aanvang van deze heerlikke éch Venlose meizingmiddaag. Auk ‘t nieje Jocus Dreejspan zal zien opwachting make. Veur vastelaoveskleier wuurt gezörg. Alle lange taofels zien op verrassingsthema aangekleid.
kaarte zien te kaup via de webshop; eine groep van elf persoëne krieg elde elfde kaart veur lau!

Kôm mit ôs meizinge mit al die leedjes van vruuger en nôw. Cantus Jocus is dé generale rippetisie veur dreej daag zinge en sjoenkele mit Vastelaovend!